चाकांवरील वाचनयात्रेचे दुसरे पर्व
विधानसभा निवडणुकांच्या पार्श्वभूमीवर राज्यात रोज नवीन यात्रांच्या घोषणा होत आहेत. यात आणखी एका यात्रेची भर पडत आहे. मात्र, या यात्रेला कोणतीही राजकीय पार्श्वभूमी नाही तर ती चक्क वाचनाशी संबंधित आहे! 'वाचनयात्रे'च्या पहिल्या टप्प्याला जोरदार प्रतिसाद मिळाल्यानंतर मराठी विकास संस्थेने 'वाचनयात्रे'च्या दुसऱ्या टप्प्याची मोर्चेबांधणी सुरू केली आहे. 'स्मार्ट' युगात नागरिकांचे वाचनाकडे दुर्लक्ष होत असताना चाकांवरील वाचनालयाला मात्र प्रवाशांचा चांगला प्रतिसाद मिळत आहे. यामुळे ऑक्टोबरमध्ये सुरू होणाऱ्या दुसऱ्या टप्प्यासाठी रेल्वे मार्गांसह विमातळांचा समावेश करण्यात आला आहे.
डेक्कन क्वीन आणि पंचवटी एक्स्प्रेसमधील प्रवाशांसाठी सुरू केलेल्या चाकांवरील वाचनालयाला मुदतवाढ देण्यात आली आहे. रेल्वेच्या अन्य मार्गांसाठीही वाचनालय सुरू करण्याचा प्रस्ताव आला असून त्याला सकारात्मक प्रतिसाद देण्यात येत असल्याचे रेल्वे अधिकाऱ्यांनी सांगितले.
मध्य रेल्वे आणि मराठी विकास संस्था यांच्या संयुक्त विद्यमाने ऑक्टोबर २०१८मध्ये डेक्कन क्वीन आणि पंचवटी एक्स्प्रेसमध्ये वाचनयात्रा सुरू करण्यात आली. या योजनेंतर्गत प्रवाशांना वाचनासाठी मोफत पुस्तके उपलब्ध झाली. प्रवासात स्वत:चे पुस्तक बाळगण्याची गरज नसल्यामुळे आणि पुस्तके, कादंबरी, कथा अशा पर्यायांमुळे या योजनेला चांगला प्रतिसाद मिळत आहे. दुसऱ्या टप्प्यासाठी 'वाचनदूत' हे नाव बदलून 'वाचनयात्रा' हे नाव मराठी विकास संस्थेने निश्चित केले आहे, अशी माहिती मराठी संस्थेने दिली.
.........
विमानतळेही टप्प्यात !
वाचनयात्रेचा विस्तार करण्याचा निर्णय घेण्यात आला असून यासाठी १६ रेल्वे मार्ग आणि राज्यातील चार विमानतळे प्रस्तावित आहे. ऑक्टोबर महिन्यात या ठिकाणी सर्वेक्षण सुरू होईल. सर्वेक्षणाअंती शक्य त्या ठिकाणी १५ ऑक्टोबरपर्यंत चाकांवरील वाचनालय सुरू करण्यात येईल.
-डॉ. आंनद काटीकर, प्रभारी संचालक, राज्य मराठी विकास संस्था
........
या मार्गावर चाकांवरील वाचनालय
मुंबई-पुणे
पुणे-मुंबई
मुंबई-नाशिक
मुंबई-अहमदाबाद
चिपळूण-कुडाळ
मनमाड-नगर
पुणे-सोलापूर
पुणे-हैदराबाद
नाशिक-औरंगाबाद
नांदेड- औरंगाबाद
लातूर-परभणी
जळगाव-नंदुरबार
पंढरपूर-उस्मानाबाद
नागपूर -अकोला
नागपूर-चंद्रपूर
…….......
वाचनयात्रेसाठी प्रस्तावित विमानतळे
मुंबई
पुणे
नागपूर
औरंगाबाद
…….......
मुंबईतील नाशिककरांना वाचनाची गोडी !
महिना डेक्कन क्वीनमधील वाचक पंचवटी एक्स्प्रेसमधील वाचक वाचकांची संख्या एकूण
ऑक्टोबर २०१८ (१५ दिवस) ४६८ २५० ७१८
नोव्हेंबर २०१८ ९४१ २७४ १२१५
डिसेंबर २०१८ ८५३ ४७३ १३२६
जानेवारी २०१९ ८५० १०८२ १९३२
फेब्रुवारी २०१९ ७४४ ९४४ १६८८
मार्च २०१९ ८५३ १००६ १८५९
एप्रिल २०१९ ८२५ १०१९ १८४४
मे २०१९ ११५९ ११७४ २३३३
जून २०१९ १०६३ ११६४ २२२७
जुलै २०१९ ८५७ १५४८ २४०५
एकूण ८६१३ ८९३४ १७५४७
...........................
Source
| Maharasthra Times | 27th August 2019
Regards
Mr. Pralhad Jadhav
Master of Library & Information Science (NET
Qualified)
Research Scholar (IGNOU)
Senior Manager @ Knowledge Repository
Khaitan & Co
Twitter Handle | @Pralhad161978
Mobile @
9665911593
No comments:
Post a Comment